SUKMA 2024: Tim Kriket Indu Sarawak Bulih Midul Engkeraju Keterubah
Disiarkan pada 24 Aug 2024
Sumber Berita: UKAS
KUCHING: Tim kriket indu Sarawak nempa sejarah baru lebuh mujur bulih midul engkeraju ungkup kategori T10 Indu ba Lumba (SUKMA) XXI Malaysia 2024 ke diatur ba Padang Kriket Petra Jaya, Hari Enam.
Taja pen ba penuduk lumur tiga, nya sebengkah penyulut pemadu manah ari tim indu nengah penyereta keterubah iya ba lumba nasional.
Tim Sarawak mujur bulih midul engkeraju pengudah ngelaban Wilayah Persekutuan enggau pemutus 68 belanda 8 wiket ba renggat penentu penuduk ketiga.
Lalu, Wilayah Persekutuan udah ngerikod 43 belanda enggau 10 wiket .
Nangkan nya, tim Sarawak udah ngempu midul engkeraju ungkup Lumba SUKMA sekali tu.
Tim kriket Sarawak ngujungka Lumba SUKMA sekali tu bulih siti midul pirak enggau siti midul engkeraju.
Berebak enggau nya, padang kriket sehari tu chukup richah enggau penatai bala penyukung Sarawak ba hari kepenudi SUKMA ba edisyen ke sekali tu. -EDISI UKAS
