Ailenna Bulih Midul Engkeranju Taja Nadai 'Jurulatih'
Disiarkan pada 22 Aug 2024
Sumber Berita: UKAS
KUCHING: Atlit olahraga kategori nikau tukul besi indu Sarawak, Ailenna Thipong mujur bulih midul engkeraju taja nadai 'jurulatih' profesional.
Ailenna, ke beumur 21, diatu benung nampung pelajar tinggi ba siti institusyen madahka diri nadai awak deka belatih sebedau Lumba Malaysia (SUKMA) tu.
“Baka ke disebut aku tadi, aku benung nampung belajar ba Universiti Malaya lalu ari suba sigi nyedia diri empu ngambi bagi ba SUKMA tu.
“Aku deka meri terima kasih ngagai Kaunsil Lumba Nengeri Sarawak (MSNS) laban udah meri insentif, nyaup aku,” ku iya.
Ailenna, atlit ari peranak Sarikei nya nambah baru, bakih iya Grace Wong mayuh mantu iya sepemanjai nyikap diri ba SUKMA tu.
“Bisi maya aku ngaga latih ba Bukit Jalil begulai enggau senior aku, Grace enggau nya mega meri terima kasih laban iya semampai mantu aku,” ku iya.
Ailenna ngerikod penyauh 42.04 meter, nyaup nambah midul engkeranju ungkup kontinjen Bumi Kenyalang, di Stadium Sarawak, Hari Empat.
Midul emas diempu Tim Pahang, Nurul Aiyani Mohamed Kamaluddin enggau pemutus 44.28 meter ditangkan enggau pemenang midul pirak ari Tim Perlis, Nur Salsabila Mohd Zamsairol, 44.10 meter. -EDISI UKAS
