KUCHING: Sapit Menteri Di Opis Premier Sarawak (Pekara Korporat, Pemadah & UKAS), Datuk Abdullah Saidol datai ngerichah Pengerami Nerima Pengabang Hari Raya diatur Panglima Medan Timur Soldadu Darat, Leftenan Jeneral Dato' Mohd Sofi Md Lepi begulai enggau Raban Soldadu Darat Malaysia di Rumah Rasmi Panglima Medan Timur di jalai Taman Budaya ditu, malam tadi.
Sama datai ngerichah pengerami nya bini Leftenan Jeneral Dato' Mohd Sofi iya nya Datin Erni Irawati Rosli, Sapit Sekretari Perintah Sarawak (Pengatur Pengawa) Datu Buckland Bangik, Panglima 1 Divisyen Infantri, Soldadu Darat Malaysia (TDM), Mejar Jeneral Datuk Mohamed Fauzi Kamis, Panglima Briged Kesemilan Infantri Malaysia, Brig Jen Ahmad Norzaini Badrun, Direktor Opis Bomba Enggau Penyah Penusah Nengeri Sarawak, Datu Khirudin Drahman@Hussaini, Direktor Opis Pemansang Islam Malaysia (JAKIM) Sarawak, Hamdan Jar'ee, Dikretor Tabung Haji Negeri Sarawak, Amat Kassim Pait sereta temuai dipebasa ke bukai.
Berebak enggau nya, Dato' Mohd Sofi meri terima kasih ngagai semua temuai ke dikangau laban datai ngerichah pengerami ngintu Aidilfitri taun tu.
Iya megai bisi nyuaka tepa ngagai temuai khas ke datai.
Bemacham bansa pemakai dinah ngagai bala ke datai ba pengerami nya.-EDISI UKAS
