Premier Sarawak Dikangau Bejadika Sarawak Lubricants Sdn Bhd
Disiarkan pada 20 Aug 2024
Sumber Berita: UKAS
KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah nerima kangau bejadika anak serikat baru ke diempu Senari Synergy Sdn Bhd, iya nya Sarawak Lubricants Sdn Bhd.
Surat kangau nya udah disua Kaunsil Direktor Gerup Senari Synergy ba pejalai nemuai basa ngagai Datuk Patinggi Abang Zohari ba opis iya Wisma Bapa Malaysia ditu, Hari Satu.
Randau pengelama sejam nya, udah meri peluang ngagai kompeni ti meranak puku industri minyak enggau gas udah bekunsi pasal tanggungpengawa Sarawak Lubricants Sdn Bhd dikena ngerembaika agi sektor industri ti bekaul di Sarawak.
Berindik ari nya, Datuk Patinggi Abang Zohari bela meri penerang bekaul program dagang Gerup Senari Synergy ti mungkur perambu enggau strategik dudi hari dikena negapka agi penuduk sida ba makit.
Sama bisi rambau penemuai basa nya Chairman Senari Synergy Tan Sri Datuk Amar (Dr) Abdul Aziz Dato Husain, Kaban Kaunsil Direktor Senari Synergy Datu Hashim Bojet, Direktor Pengatur Gerup Senari Synergy Jefri Ahmad Tambi, Tuai Pegawai Strategi Senari Synergy Gajalie Sazalie, Tuai Pegawai Aset enggau Perengka Senari Synergy Khaidir Ab Karim enggau Tuai Pegawai Korporat Senari Synergy Norhayati Johari.-Edisi UKAS
