Tun Pehin Sri Dr Wan Junaidi Udah Datai Di Kuala Lumpur Serimbai Pengerami Syarahan Negarawan Enggau Randau Bup Yang di-Pertua Negeri Sarawak
Disiarkan pada 20 Aug 2024
Sumber Berita: UKAS
KUALA LUMPUR: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar udah datai di Kuala Lumpur kena Hari Satu ba pejalai gawa serimbai Pengerami Syarahan Negarawan enggau Randau Bup Tuan Yang Terutama Yang di-Pertua Negeri Sarawak ke diatur ba Dewan Bahasa enggau Pustaka (DBP).
Iya ti disempulang bini, Toh Puan Fauziah Mohd Sanusi datai ba Padang Bilun Sultan Abdul Aziz Shah urung pukul 12.16 ngalih hari ngena penerebai bilun khas ari Kuching.
Tun Pehin Sri Dr. Wan Junaidi enggau Toh Puan Fauziah deka ngulu pengawa syarahan urung pukul 9.30 pagi, diatur ba Balai Budaya Tun Syed Nasir, Wisma Dewan Bahasa enggau Pustaka.
Iya disadang meri syarahan negarawan ngagai bala Kaban Parlimen, staf Parlimen, staf perintah, pengelicha universiti enggau nembiak undang-undang.
Pengerami nya diatur serimbai enggau pengawa nyelak bup baru Tun Pehin Sri Dr. Wan Junaidi ke diberi nama Evolusyen Parlimen enggau Evolusyen Speaker Parlimen Malaysia Edisyen Ketiga ke deka dibantai ngagai iya maya pengawa nyuaka bup nya.-EDISI UKAS
