KOTA SAMARAHAN: Tim Sarawak mujur ngalahka tim Wilayah Persekutuan enggau pemutus 3-1 ba renggat kedua kepenudi Futsal Lelaki Lumba Malaysia (SUKMA) XXI Sarawak 2024.
Tuai Rumah udah mujur bulih gol keterubah dipasukka tim Wilayah Persekutuan, Nazrul Nazri empu ba minit kelima.
Lalu, ba minit ke-32, tim Sarawak bulih gol kedua ari atlit Sarawak Awang Irfan.
Ba minit ke-40, tim Wilayah Persekutuan iya nya Aisar Azhar, meri gol ketiga ngagai tim Sarawak.
Berebak enggau nya, pekit ke diatur muak ke pagi, tim Perak udah mujur nyulut ba renggat kedua kepenudi pengudah ngalahka tim Terengganu enggau pemutus 8-2, di Stadium Tetutup Kota Samarahan.
Sama bisi datai maya nya, Sapit Menteri Infrastruktur enggau Pemansang Penyangkai Kapal ke mega Assistant ‘Chef de Mission’ (ACDM) Lumba enggau Main Futsal Datuk Ir Aidel Lariwoo enggau Sapit Menteri di Opis Premier Sarawak (Pekara Korporat, Pemadah enggau UKAS) Datuk Abdullah Saidol udah datai meda pekit nya seraya meri sukung tim Sarawak.-EDISI UKAS
