Dato Sri Lee Ngabas Venue Lawan Pedang SUKMA XXI
Disiarkan pada 19 Aug 2024
Sumber Berita: UKAS
MIRI: Menteri Pengangkut Sarawak, Dato Sri Lee Kim Shin udah ngabas venue pekit Lawan Pedang di Eastwood Valley Golf enggau Country Club ditu, Hari Satu.
Penatai Kaban Kunsil Nengeri (ADUN) Senadin nya disambut Presiden Gerempung Lawan Pedang Malaysia, Rusni Abu Hassan.
Dato Sri Lee ngena peluang nya berandau enggau bala atlit Sarawak kelebih agi sida ke ngambi bagi ba SUKMA sekali tu sereta bala penyukung tim Sarawak.
Iya mega meri jaku peransang ngagai tim Sarawak.
Ke penemu mayuh, pekit lawan pedang SUKMA sekali tu udah nyendiaka 12 midul emas berengkah Hari Satu enggau pekit keterubah ungkup kategori Epee Indu Solo enggau Foil Lelaki Solo.-EDISI UKAS
