Kechit Sylvia Meri Engkeraju Ngagai Sarawak
Disiarkan pada 19 Aug 2024
Sumber Berita: UKAS
KUCHING: Atlit Engkechit Indu Sarawak, Sylvia Nawan Sa udah mujur bulih midul engeraju ba pekit Engkechit Kategori indu.
Ungkup kategori engkechit 1.4 meter ngagai 1.5 meter, Sylvia udah mandangka penyulut iya lebuh mujur ngelui semua peninggi tang peninggi 1.54 meter bisi pemar ba iya.
Pengudah kedua kali iya nguji, ngujung ke pemutus pekit Sylvia ba penuduk lumur tiga bulih midul engkeraju.
Berebak enggau nya, pengari Sarawak Loretta Ann Mona Nyadau alah ngujungka iya ba penuduk lumur 12 ungkup kategori 1.4 meter.
Nangkan nya, atlit ari Sabah Ku Yee Aleng enggau atlit ari Pulau Pinang Melissa En Xuan Choong udah bulih midul emas ungkup kategori 1.64 meter ba renggat tumu.
Sehari tu, pekit olahraga engkechit udah diatur ba Stadium Sarawak nyentuk 23 Ogos tu ila lalu, bisi 47 midul emas deka diperebut bala atlit.-EDISI UKAS
