Tim Nembiak Opar Champion Karnival Main Bol Trofi Prima Bidayuh 2024
Disiarkan pada 19 Aug 2024
Sumber Berita: UKAS
SERIAN: Tim Nembiak Opar udah dipadu champion ba Karnival Main Bol Trofi Dato Sri Roland Sagah Wee Inn tauka Trofi Prima Bidayuh 2024.
Penuduk lumur dua, diempu tim ari Bukit Semuja seraya tim Tasik Biru enggau Serembu bekunsi penuduk lumur tiga.
Berebak enggau nya, ba kategori indu dia tim Kedup champion, tim Tadik Biru penuduk lumur dua lalu ba penuduk lumur tiga diempu tim Tarat enggau tim Tebedu.
Simbolik bejadi nangguh karnival nya udah dipenyadika Menteri Pelajar, Inovasyen enggau Pemansang Bakat Sarawak, Dato Sri Roland Sagah Wee Inn ditu, kena Hari Minggu tu tadi.
Champion nerima perais mata duit sepenyampau RM2,000, trofi sereta midul, ba penuduk lumur dua nerima mata duit RM1,500, tofi enggau midul seraya penuduk lumur tiga nerima mata duit RM700, torifi sereta midul.
Lebuh bejaku ba pengerami nangguh nya, Dato Sri Roland madah, tuju ngatur karnival nya ngambi ulih ngerapitka agi kaul raban bansa Bidayuh sereta meretika jaku bansa sida empu.
"Pekara ke beguna endar iya nya kitai meseti begempung enggau seati. Kitai mega meseti tegap ukai semina ba politik tang meseti tegap negika hak bansa kitai empu.
"Enti kitai pambar, nadai orang deka ibuhka kitai. Kitai meseti teguh nyukung GPS ti betuai ke YAB Premier Sarawak Sarawak, ngena sulu jaku 'Bidayuh Misti Indi Awang Indi Asung'," ku iya.
Berebak enggau nya, iya udah madahka karnival taun 2025, DUN Mambong deka nyadi tuai rumah lalu iya deka ngaga siti program ke dikumbai 'Challenge Cup' lalu nama pemenang ba taun 2022, 2023 enggau 2024 deka dirikod ba trofi nya.
Sama bisi datai maya nya, Sapit Menteri Industri Pemakai, Komoditi enggau Pemansang Wilayah Sarawak, Datuk Martin Ben, Sapit Menteri Pengangkut Sarawak, (Langit enggau Darat), Datuk Dr Jerip Susil, Sapit Menteri Pengangkut Sarawak, (Sungai enggau Tasik), Dato Henry Harry Jinep enggau temuai dipebasa ke bukai.-EDISI UKAS
