SUKMA 2024: Tim Tinju Sarawak Masuk Renggat Kedua Kepenudi
Disiarkan pada 19 Aug 2024
Sumber Berita: UKAS
SRI AMAN: Tim tinju Sarawak udah mujur masuk renggat kedua kepenudi ba edisyen Lumba Malaysia (SUKMA) XXI Sarawak 2024.
Clarkson Evans Tom udah mujur masuk renggat kedua kepenudi pengudah ngalahka Muhamad Mukhriz Khan ari Pulau Pinang ba Kategori 48 Kilogram (kg).
Nangkan nya, Lam Wee Ling udah mujur nengah Knock Out (KO) ngelaban Muhd Shahil Adika ari Terengganu ba Kategori Light 60kg.
Anderton Tee Hieng Tie mujur ngalahka Jass Mizal Jasirin ari Sabah ba Kategori Walter 67kg lalu Gideon Riquelme Jonathan mujur ngalahka Muhamad Haziq Aiman ari Johor ba Kategori Middle 75kg.
Bradley Jilan Kennedy udah menang ngelaban Muhd Asri Danish ari Wilayah Persekutuan ungkup Kategori Cruiser 86kg.
Seraya, petinju indu Sarawak, Patricia Jaquilina Bruce udah menang ba Kategori Indu 'Work Over' 48 kg.
Presiden Gerempung Tinju Negeri Sarawak (SABA) Dato Rahman Lariwoo madah, Sarawak deka dipadu nyadi pengatur pemadu manah ungkup main tinju SUKMA XXI lalu ngarap ulih dipadu nyadi champion ba semua kategori.
"Prestasyen semua petinju Sarawak ba tikas pemadu manah lalu bisi lapan atlit udah mujur masuk rengat kedua kepenudi lalu tujuh atlit mujur ba suku kepenudi.
Penatai atlit Kilat Boy, Daelonial McDelon meda pekit nya udah meri peransang ngagai tim tinju Sarawak dikena ngangkat semangat sida.-EDISI UKAS
