Tim Futsal Sarawak Enggau Selangor Seri 2-2
Disiarkan pada 18 Aug 2024
Sumber Berita: UKAS
KOTA SAMARAHAN: Tim futsal Sarawak ngerikod pemutus seri 2-2 ngelaban Selangor di Stadium Tetutup Kota Samarahan, kena Hari Enam tu tadi.
Tim tuai rumah ngepun nengahpemutus 2-1 pengudah Awang Irfan Syahreeza Awang Ahmad mujur gol kedua ba minit ke-6.
Taja pia, pengelebih nya enda ulih ditan Sarawak lebuh Selangor mujur gol ti diarika Ahmed Haziq Haikal ba minit ke-35.
Lalu, siti da gol ari Sarawak ti diarika Mohammad Nazir Mahdini ba minit ke-2 lalu siti da gol ari Selangor ti diarika Syahir Iqbal Khan Akhbar Khan.
Tim B, Selangor ke mega champion ke udah ngerikod tiga kali bejurut menang enggau siti seri ba empat pekit lalu Sarawak mega ba penuduk lumur dua enggau dua kali menang sereta siti seri.
Tim Sarawak deka besatup enggau tim futsal ba penuduk lumur tiga dalam tim A ba pekit renggat suku kepenudi disadang diatur kena 19 Ogos tu di Stadium Tetutup Samarahan.
Sapit Menteri Pemansang Infrastruktur enggau Penyangkai Kapai ke mega Sapit Chief De Mission Sukan Futsal Datuk Ir Aidel Lariwoo udah datai ngemata pekit nya sereta nyukung tim Sarawak.-EDISI UKAS
