Tim Taekwondo Sarawak Bulih Dua Midul Emas
Disiarkan pada 16 Aug 2024
Sumber Berita: UKAS
KUCHING: Sarawak bulih dua midul emas ba hari keterubah main nya mungkal gelanggang Lumba Malaysia (SUKMA) 2024 di Stadium Perpaduan Petra Jaya, Hari Lima.
Sarawak diarika Fedealis Kom Twin, Mohd Isshahril Mazlan enggau Randy Owen Augustine Linggi nyulut ba kategori poomsae lelaki sepengudah bulih puin pemadu tinggi iya nya 8.01.
Midul pirak diempu tim ari Wilayah Persekutuan ti diarika Chee Bo Qin, Dixon Loh enggau Tan Vee Liam ke bulih 7.65 puin lalu tim Perak diarika Choong Jian Xian, Choe Ming Feng enggau Riky Chong bulih 7.35 puin ngempu midul engkeraju.
Dulu ari nya, tim indu Sarawak bela bulih midul emas nengah Farah Nabilla Maddarus, Siti Yusriyyah Zailani enggau Willemien Lai Lin.
Johor diarika Ling Lau You, Lim Xin Zi enggau Yong Si Ting bulih midul pirak lalu midul engkeraju diempu Yow Mei Xin, Loh Wai Yee enggau Soo Wei Shan ari Pulau Pinang.-EDISI UKAS
