BINTULU: Kaban Kunsil Nengeri (ADUN) Tanjong Batu, Johnny Pang Leong Ming udah datai ba pengerami bejadika Karnival Bejual SUKMA XXI ditu, kena Hari Empat tu tadi.

Bisi 50 iti bansal bejual nyengkaum ari agensi peribit ba baruh pegai Kaunsil Gerempung Orang Dagang Bumiputera (MPUB) dibuka sepemanjai timpuh karnival tu diatur berengkah 12 Ogos nyentuk 24 Ogos 2024.

Karnival Bejual enggau program pemandang beserimbai SUKMA XXI sekali tu ukai semina ba Naim Street Mall, Bintulu Paragon aja tang mega bela bisi ba Stadium Muhibbah Bintulu.

Sama bisi datai maya pengerami bejadika pengawa nya Residen Sitak Bintulu Nyurak Keti, Sapit Residen Sitak Bintulu Abang Zainuddin Abang Turkey enggau Sapit Tuai Polis Pelilih Bintulu, Mohd Fazri Yusof.-EDISI UKAS