BINTANGOR: Pengerami nyambut Hari Raya Aidilfitri enggau nyuaka pemeri Hari Raya Taun 2024 udah diatur enggau rami di Kampung Selemas, Kampung Darul Falah Gemuan enggau Skim B Meradong ditu, Hari Empat tu tadi.
Pengerami nya bela dirichah enggau penatai Kaban Kunsil Nengeri (ADUN) Meradong, Datuk Ding Kuong Hiing enggau bini, Datin Kueh Nai Fun.
Maya nya Datuk Ding bisi nyuaka geran khas ngagai penerima ba tiga gentung pendiau nya.
Kampung Selemas Bintangor nerima pemeri RM3,500 nyengkaum pemeri Hari Raya enggau projek pintu, Kampung Darul Falah Gemuan diberi Rm8,900, pemeri Hari Raya enggau projek pintu.
Kelimpah ari nya, Kampung Skim B Meradong bela diberi RM2,800 enggau pemeri Hari Raya sereta projek pintu.
Datuk Ding mega ngungkupka geran khas ngagai Komiti Pemansang enggau Pengelikun Genturung Pendiau (JKKK) Kampung Selemas RM3,000 enggau JKKK Kampung Skim B Meradong (RM2,000) dikena sida ngatur program ninting taun.-EDISI UKAS
