Aum CDM Mutar Isu Ditapi Kontinjen
Disiarkan pada 14 Aug 2024
Sumber Berita: UKAS
KUCHING: Bisi berapa bengkah pekara udah dirandau ba Aum Tuai Kontinjen (CDM) keterubah beserimbai Lumba Malaysia (SUKMA) XXI Sarawak 2024 ditu, kena Hari Tiga.
Aum nya udah betuaika Sapit Sekretari Perintah Sarawak (Operasyen) ke mega Tuai Pegawai Eksekutif SUKMA XXI Sarawak 2024, Datu Hii Chang Kee.
Sekeda ari isu ke bisi dipejuraika baka perengka pengangkut, palan bepekit, palan endur atlit diau, pemakai, servis berubat enggau isu ke bukai.
Dulu ari nya ba jaku iya, Datu Hii madahka deka ngatur isu ke bisi ditapi bala kontinjen dikena nentuka pemujur SUKMA ke sekali tu.
Iya bela madahka Menteri Raban Nembiak, Lumba enggau Pemansang Orang Dagang Sarawak, Dato Sri Abdul Karim Rahman Hamzah deka bejadika palan endur diau lumba di Universiti Malaysia Sarawak (UNIMAS) kena Hari Empat tu.
Sama bela datai maya nya CDM Kontinjen Sarawak Dato Gerald Rentap Jabu. - EDISI UKAS
