Dato Sri Julaihi Bejadika Mantar Ngelancarka IWA WWCE 2024 Di Toronto
Disiarkan pada 13 Aug 2024
Sumber Berita: UKAS
TORONTO: Menteri Utiliti enggau Telekomunikasyen Sarawak, Dato Sri Julaihi Narawi udah bejadika Pengerami Mantar Ngelancharka Kongres enggau Pemandang Ai Sedunya Gerempung Ai Antarabansa (IWA WWCE) 2024 di Toronto, Kanada, kena Hari Satu tu tadi.
Pengawa mantar ngelanchar tu udah diatur ba pemandang IWA ke bela dikemata Presiden IWA, Tom Mollenkopf, Profesor Kala Vairavamoorthy, Direktor Eksekutif IWA, Dr. Hong Li, Direktor Serantau Asia enggau Oceania MWA, Dr. Ir. Ts. Mohd Asari Daud enggau Presiden Gerempung Ai Malaysia enggau Ts. Kelvin Kuek Hann Yih.
Ba siti penerang media kena Hari Dua, iya madahka kongres enggau Pemandang Ai Sedunya Gerempung Ai Antarabansa (IWA WWCE) 2028 deka diatur ba Kuching, Sarawak.
Pengawa tu deka ngempuru bala pakar tebilang dunya ba sektor ai dikena negapka agi pengawa atur ai ari sukut inovasyen teknologi enggau trend pemadu baru.
Dulu ari nya, Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah madahka Sarawak dipilih nyadi menua keterubah ba rantau ASEAN nyadi tuai rumah ba program tebilang tu.
Sama bisi datai Sapit Menteri Utiliti enggau Telekomunikasyen Sarawak, Datuk Dr. Abdul Rahman Junaidi enggau dua Sapit Menteri Pengerai Mensia Mayuh, Pengawa Berubah enggau Perintah Lokal Sarawak, Datuk Dr Penguang Manggil enggau Datuk Michael Tiang Ming Tee.-EDISI UKAS
