Raptai Nyuaka Midul Pekit Gimnastik Artistik SUKMA XXI Lanchar
Disiarkan pada 10 Aug 2024
Sumber Berita: UKAS
SERIAN: Raptai Pengawa Nyuaka Midul Pekit Gimnastik Artistik Lumba Malaysia (SUKMA) XXI Sarawak 2024 udah bejalai enggau lanchar dikena nentuka pengawa nyuaka perais nya lanchar.
Pengawa raptai nya mega udah diatur ba Serian Convention Centre ti mega nyadi palan pekit lumba Gimnastik Artistik SUKMA XXI Sarawak, kena lemai Hari Lima tu tadi.
Ungkup penerang, Serian Convention Centre (SCC) udah dipilih nyadi venue bepekit lumba Gimnastik Artistik SUKMA XXI Sarawak kena 21 nyentuk 24 Ogos 2024.
Sama bisi datai maya seksyen raptai nya, Sekretari Kaunsil Pelilih Serian ke mega Pengatur Palan Pekit SUKMA Menua Serian Tay Guan Huat, Pengatur Pekit ari Gerempung Gimnastik Amatur Sarawak (SAGYMA) Jacqueline George Paou, enggau Pegawai Raban Nembiak enggau Lumba Bagi Menua Samarahan Abu Zaid Abu Bakar. -EDISI UKAS
