Genap Genturung Pendiau Di DUN Serembu Disikap Balai Mayuh Guna
Disiarkan pada 06 Aug 2024
Sumber Berita: UKAS
BAU: Genap genturung pendiau ba sitak Kunsil Nengeri (DUN) Serembu diatu udah disikap perengkaguna balai mayuh guna.
Kaban Kunsil Nengeri (ADUN) Serembu Miro Simuh madah, balai mayuh guna ba genap genturung pendiau nya digaga nengah projek Program Transformasyen Menua Pesisir (RTP) DUN Serembu.
Nangkan nya ku iya, semua perengka ke udah disedia perintah meseti diintu meruan lalu nya tanggungpengawa semua.
Iya madah munyi nya maya Pengawa Bejadika Balai Mayuh Guna Kampung Batu Spit, Krokong , kena Hari Enam tu tadi.
Ku Miro madah baru, pengawa ngaga Balai Mayuh Guna ba Kampung Batu Spit nya bepun enggau pengawa mansik taba ba taun 2016 lalu tembu ba taun tu.
Pengawa nya mega diteruska enggau nyuaka insentif ngagai nembiak ti nyulut ba peresa Sijil Pelajaran Malaysia (SPM) taun 2023 sereta nyuaka insentif ngagai nembiak ke mujur nampung pelajar ngagai Institusyen Pelajar Tinggi Perintah enggau Peribit (IPTA/IPTS).
Sama bisi datai maya nya, pengari Pegawai Pelilih Bau Bau Paul Kenny, Pemancha Bidayuh Pelilih Bau Robert Tom, Penghulu Sitak Krokong enggau Serembu sereta Tuai Komuniti enggau Tuai Raban Bansa (KMKK). -EDISI UKAS
