KUCHING: Tuai Pemegai Menua Nengeri Sarawak Tun Pehin Sri Dr Wan Junaidi Tuanku Jaafar datai sembiang sunat Aidilfitri di Masjid Jamek Nengeri Sarawak di Kuching kena Hari Tiga.
Sama nyempulang iya datai pukul 7.52 pagi nya Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg.
Sembiang sunat Aidilfitri itu udah diuluka Imam Besai Nengeri Sarawak Sahibul Fadhilah Dato Mustapha Kamal Ahmad Fauzi begulai enggau lebih 5,000 umat Islam.
Tembu sembiang Aidilfitri, Tun Pehin Sri Dr Wan Junaidi ditaga ngatur pengerami nerima pengabang Aidilfitri 2024 di Astana Negeri Sarawak berengkah 9 pagi nyentuk 4.30 lemai kena 1 Syawal.
Seraya Datuk Patinggi Abang Zohari ngatur pengerami nerima pengabang Aidilfitri 2024 di Palan Konvensyen Borneo Kuching (BCCK) ba Hari Raya keterubah pukul 10.30 pagi nyentuk 3 ngalih hari seraya hari raya kedua pukul 10 pagi nyentuk 2 ngalih hari.
Sama datai ngerichahka agi pagi HARI RAYA nya Speaker Kunsil Nengeri Sarawak Tan Sri Datuk Amar Mohamad Asfia Awang Nasar, Menteri Dagang Temuai, Industri Kreatif Enggau Seni Pemerindang Sarawak, Dato Sri Abdul Karim Rahman Hamzah, Sekretari Perintah Sarawak Datuk Amar Mohamad Abu Bakar Marzuki sereta temuai dipebasa ke bukai.-EDISI UKAS
