SCC Ngatur ‘Test Game’ Dikena Nyikap Bala Atlit & Palan Pekit SUKMA Sarawak
Disiarkan pada 04 Aug 2024
Sumber Berita: UKAS
KUCHING: Kaunsil Lumba Sarawak (SCC), Gerempung Olahraga Nengeri Sarawak enggau Gerempung Nyemerai Nengeri Sarawak ngatur ‘Test Game’ Pekit Olahraga Tetutup enggau Lumba Akuatik Nyemerai nyadi penyikap kepenudi serimbai Lumba Malaysia (SUKMA) Ke-21 Sarawak, kena Hari Minggu.
Pengawa besikap diatur ba Stadium Sarawak enggau Palan Akuatik Pandelela Rinong dikena nentuka pengawa nyikap diri ari sukut teknikal enggau perengkaguna ungkup SUKMA ke deka diatur enda lama agi bejalai enggau lanchar.
Kelimpah ari nya, ‘Test Game’ ke diatur Komiti Teknikal enggau Pekit, SSC dikena bejalaika pengawa meresa kepenudi seksyen teknikal dalam begulai enggau komiti teknikal sereta meri awak ngagai atlit lumba enggau main Sarawak nelebaka diri enggau palan nya sebedau hari pekit nyadi.
Ke penemu mayuh, lumba olahraga enggau nyemerai deka diatur pengelama lima hari berengkah 19 nyentuk 23 Ogos tu ila di Stadium Sarawak enggau Palan Akuatik Pandelela Rinong.
Sama bisi datai maya seksyen nguji nya, Tuai Pegawai Eksekutif Kaunsil Lumba Sarawak ke mega Chairman Komiti Teknikal enggau Pekit SUKMA Ke-21 Sarawak 2024, Awang Putrayusrie Awang Redzuan.-EDISI UKAS
