SUKMA XXI Sarawak 2024 Deka Dikelaku Ba Darul Hana Musical Fountain
Disiarkan pada 03 Aug 2024
Sumber Berita: UKAS
KUCHING: Bala pengusung bisi peluang meda pengawa ngelakuka Lumba Malaysia (SUKMA) enggau Para SUKMA XXI Sarawak 2024 nengah pemerindang Darul Hana Musical Fountain berengkah ari Hari Enam di Tebing Sungai Sarawak.
Pengawa nya deka digembar ngena lagu tema ‘SUKMA Sarawak Kesukanan Dalam Perpaduan’ ke deka ditebah belabuh ari pukul 8.25 malam ungkup SUKMA XXI Sarawak 2024 enggau pukul 9.25 malam ungkup Para SUKMA XXI Sarawak 2024.
Pengawa ngelaku nya asil kerejasama entara Unit Komunikasi Awam Sarawak enggau Dewan Bandaraya Kuching Utara lalu deka ditebah nyentuk 24 Ogos ila.
SUKMA XXI Sarawak 2024 semina beteda 15 hari da agi endur belabuh diatur berengkah ari 17 nyentuk 24 Ogos 2024 di semilan kluster mungkur Kuching, Samarahan, Serian, Sri Aman, Betong, Mukah, Sibu, Bintulu enggau Miri. -EDISI UKAS
