KUCHING: Pengelantang enggau pengelikun pengidup pupu raban bansa di Sarawak nyadi tuah pemadu besai reti ngagai nengeri tu.
Sapit Premier Sarawak Datuk Amar Awang Tengah Ali Hasan madah, rayat nengeri Sarawak patut ngetanka ulah manah ti pulaika pengelantang pengidup begulai enggau pangan diri.
"Maya hari besai tu, pengawa kitai ngabang ngagai pangan diri patut ditan ngambika kaul kitai semampai tegap.
"Kitai patut berasai lantang ati laban Sarawak ngembuan pengelantang enggau pengelikun taja kitai enda sama bansa enggau jalai pengarap," ku iya madah beserimbai Hari Raya Aidilfitri 2024, Hari Dua.
Beduduk ari nya, iya ngarapka tiap iku rayat enda muntang tepawah runding enggau penemu ti tau mambarka penyerakup.
Ngena awak nya mega, Datuk Amar Awang Tengah nesau rayat mayuh sampal datai ngabang Hari Raya Aidilfitri ngagai rumah iya di Lot 1937, Taman Klasik, 98850 Lawas ba Hari Raya kedua enggau ketiga berengkah 9.30 pagi ngagai 5.00 lemai. -EDISI UKAS
