KUCHING: Indu Opis Polis Pelilih (IPD) Kuching deka nganjung 208 iku pegawai enggau raban polis gawa maya Hari Raya Aidilfitri tu.
Tuai Polis Pelilih Kuching, ACP Ahsmon Bajah madah, ari penyampau nya 186 iku pegawai nyengkaum 22 pegawai enggau polis trafik gawa ba semua endur ke udah ditentuka enggau ba palan komersial.
Iya madah, semua tu deka nentuka mensia mayuh bela ngasaika konsep gawa ‘Servis Diterima Sereta Diasaika’.
“Pengawa tu mega dikena matau pengelikun rayat ti betengahka jalai alun lebih agi di menua Kuching beserimbai enggau Hari Raya Aidilfitri taun 2024,”
Nengah siti penerang media beserimbai Hari Raya Aidilfitri Taun 2024 Hari Satu, ACP Ahsmon mega ngelalau mensia mayuh ti pulai ke menua nyambut Aidilfitri tau ngisi pom madahka diri pulaika menua.
“Pengawa tu mega dikena matau pengelikun rayat ti betengahka jalai alun lebih agi di menua Kuching beserimbai enggau Hari Raya Aidilfitri taun 2024,”
Ku iya, pom nya ulih diambi ba balai polis tauka nengah online ba aplikasyen VSP 2.0 enggau ba Facebook IPD Kuching.
"Sida ke bebai kerita mega dilalau ngatur dulu pejalai sebedau mupuk pulai.
“Anang enda bejimat, titihka undang-undang jalai alun,” ku iya.-EDISI UKAS
