Tim Cenderawasih Champion Pekit Bermukun Kaul Mukah 2024
Disiarkan pada 17 Jul 2024
Sumber Berita: UKAS
MUKAH: Tim Cenderawasih ti ngari ke Gerempung Melanau Miri udah dipadu nyadi champion ba Pekit Bemukun serimbai Kaul Mukah 2024.
Sida udah mujur mai pulai perais mata duit RM2000, trofi sereta setipikit penyereta.
Lalu, ba lumur dua penggi tim Warih Melanau ari Kampung Bakong Oya mujur nerima mata duit RM1,000, trofi enggau setipikit penyereta.
Ba penuduk ketiga diempu tim Perantau Seni Mukah, kampung Sungai Alo lalu nerima mata duit RM800, trofi enggau setipikit penyereta.
Lalu, ba anugerah khas iya nya fesyen enggau tatarias udah diempu Tim Mukun Budaya Limbang.
Pengawa nyuaka perais udah dipenyadika Kaban Kunsil Nengeri (ADUN) Tellian Royston Valentine di Panggau Besai Tapa Kaul, Pantai Kala Dana Mukah, kena Hari Dua tu tadi.
Ba pekit nya, bisi 10 tim datai ari bala Pemekuh Seni Bemukun ari Kuching ngagai Limbang.
Pekit nya udah nerima timbal ke chukup manah sereta dirichah enggau bala temuai ke bisi datai urung 1,000.
Sama datai Sekretari Politik Premier Sarawak Fridah Osman, Pemangku Pegawai Pelilih Mukah Peleadzman Ahip enggau Temenggong Hendi Suhai. -EDISI UKAS
