Gerempung Gerija Di Sarawak Deka Ngatur Pengawa Sembiang Khas Serimbai Hari Sarawak
Disiarkan pada 17 Jul 2024
Sumber Berita: UKAS
KUCHING: Gerempung Gerija Di Sarawak (ASC) deka ngatur pengawa sembiang khas serimbai Hari Sarawak kena 18 Julai tu, ba Palan Sembiang Ekumenikal Kristian (CEWC), Kuching.
Ba penerang media kena Hari Dua, pengawa sembiang ngena rambai jaku‘Semoga Mereka Semua Menjadi Satu’, berengkah pukul 7.30 lemai ke diatur Gerija Roman Katolik ,Kuching.
Entara batang program ke nipak rambai jaku pengawa tu nengah Bup Kudus enggau Sembiang ti bebida sereta Macha Bup Kudus enggau Syafaat deka diatur ngena jaku Inggeris, Bahasa Malaysia, Mandarin, Bidayuh Jagoi / Bukar Sadong, Tamil Kenyah enggau Iban.
Pengawa ngitau Jalur Gemilang deka diatur ba pemungkal program, sebedau macha bup kudus ditangkan enggau pengawa sembiang.
Ba penerang ke udah dipadah, pengerami tu bela nyampika Tuan Yang Terutama Yang Dipertua Negeri Sarawak, Premier Sarawak, kabinet Perintah Sarawak enggau Perintah Besai ngambi sida diberi berekat negika jalai pengarap, pengelurus, pengelepas, penegap ba politik, penyerakup, rama enggau pengelantang menua Sarawak. -EDISI UKAS
