Dato Awang Bemee Angkat Sumpah Nyadi Senator Dewan Negara
Disiarkan pada 15 Jul 2024
Sumber Berita: UKAS
KUALA LUMPUR: Ex-Kaban Kunsil Nengeri (ADUN) Nangka, Dato Awang Bemee Awang Ali Basah udah angkat sumpah nyadi Senator di Dewan Negara ditu, Hari Satu.
Penyanding Penemu Undang-Undang Parti Pesaka Bumiputera (PBB) nya angkat sumpah ba mua Sapit Yang di-Pertua Dewan Negara Datuk Nur Jazlan Mohamed.
Bela datai ngemataka pengawa nya, bala Menteri enggau Sapit Menteri Kabinet Perintah Besai ari Sarawak ngengkaum bala Senator ke bukai.
Dato Awang Bemee berengkah bejalaika tanggungpengawa nyadi Senator belabuh ari 15 Julai 2024 nyentuk 14 Julai 2027.
Ke penemu mayuh, iya ada di menua Sibu kena 22 Julai 1959 alai sebedau tu iya nampung pelajar undang-undang ba taun 1979 ngagai 1983.
Kena 4 Julai ke udah, iya udah diberi anugerah Pingat Peringatan Jubli Intan Perak (Perak) ari Premier Sarawak Datuk Patinggi Tan Sri Dr Abang Abdul Rahman Zohari Tun Datuk Abang Openg. -EDISI UKAS
