Datuk Amar Douglas Uggah Udah Nerima Penemuai Basa Ari Konsulat Jeneral Brunei Darussalam Ke Sarawak
Disiarkan pada 10 Jul 2024
Sumber Berita: UKAS
KUCHING: Sapit Premier Sarawak, Datuk Amar Douglas Uggah Embas udah nerima penemuai basa ari Konsulat Jeneral Brunei Darussalam ke Sarawak, Sheikh Abdul Mahdani Dato Paduka Sheikh Abdul Ghani ba Wisma Bapa Malaysia ditu, kena Hari Tiga.
Tuju penemuai basa nya dikena berandauka pekara ti bekaul enggau pemaik dua buah menua, Sarawak enggau Brunei Darussalam.
Nangkan nya, Datuk Amar Douglas Uggah mega bisi nerima penemuai basa ari Gabungan Jurutera Perunding Bumiputera Sarawak ti betuaika chairman sida Ir. Irwan Zulkarnain Hasbie.
Ba penemuai basa nya, Ir. Irwan meri penerang ngagai Datuk Amar Douglas Uggah bekaul epenumbuh gerempung, tuju enggau pengawa sida bela ngambi bagi ba mayuh bengkah projek pemansang perintah kenyau ari taun 2014. -EDISI UKAS
