NREB Sarawak Ngatur Program Penyedar Rampa Menua
Disiarkan pada 09 Jul 2024
Sumber Berita: UKAS
KAPIT: Opis Kunsil Pengereja Asal enggau Rampa Menua (NREB) Sarawak udah ngatur Program Penyedar Rampa Menua begulai enggau Komuniti di Kapit berengkah 5 ngagai 6 Julai 2024.
Program dua hari nya diatur begulai enggau Opis Kampung Sarawak, agensi perintah nengeri enggau perintah besai sereta digulu urung 150 iku peranak rumah panjai.
Penyaga Kualiti Rampa Menua Jack Liam madahka NREB semampai ransing bejalaika program ke bisi kaul enggau rampa menua.
Ku iya, inisiatif tu mega singkang proaktif dikena mai mensia mayuh bela ngemeran pemeresi.
Ba penerang media NREB kena Hari Dua, Jack madahka pemesai guna ekosistem sungai patut dijaga.
Ba pengawa nya mega, Kaban Kunsil Nengeri (ADUN) Pelagu, Wilson Nyabong Ujang meransang tuai komuniti enggau peranak menua ba Sungai Sut semampai matau enggau sereta ngetuka pengawa muai uras ti ulih ngeruga pengelikun sungai enggau rampa menua.
Iya mega meransang rayat dia ngeripot sebarang penyalah bekaul rampa menua ngagai NREB tauka ngagai raban bekuasa ke bekaul.
Sama datai maya nya Tuai Opis NREB Sibu Dau Utau, Tuai Polis Pelilih Kapit DSP Rohana Nanu, Tuai Balai Bomba enggau Penyah Penusah Kapit Timoty Barat, Tuai Sitak Kaul Korporat NREB Christhe Mansom sereta temuai dipebasa ke bukai. -EDISI UKAS
