SUKMA Ke-21 Sarawak: Penegap Runding & Pengulih Atlit Dikemerat
Disiarkan pada 03 Jul 2024
Sumber Berita: UKAS
KUCHING: Perintah Sarawak udah nyikap tikas pemanah enggau pengulih atlit nyengkaum meri sukung ba penegap runding nengah motivasyen kelimpah nyendiaka perengka guna lumba ke chukup.
Tuai Pegawai Eksekutif (CEO) Opis Lumba Sarawak (SSC), Awang Putrayusrie Awang Redzuan madah, Sarawak ngemeratka pengelantang bala atlit ngambi pulai gela champion Lumba Malaysia (SUKMA XXI) ke-21.
“Kami bisi nyendiaka unit kaunseling ke alai Pengawai Lumba ulih madah ngagai kami senentang pengurang ba motivasyen, ngambika ulih diputar enggau jampat sereta dibaik ngagai pakar kaunseling.
“Ba SUKMA sebedau tu, bala alit bemain enggau manah, tajapan keterubah pekit sida bisi berasai takut tang ulih ngenataika diri ba renggat suku kepenudi.
"Ketegal nya mega kami mai pakar motivasyen ngatur bemacham kem motivasyen sereta meri perangsang ngagai bala atlit kami,”ku iya.
Iya bejaku munyi nya maya program 'Juh Randau' begulai enggau Unit Komunikasi Awam Sarawak (UKAS) di Studio UKAS ditu, kena Hari Dua.
Berebak nya, Awang Putrayusrie madahka SSC benung beratika perengka lumba nitihka tikas SUKMA lalu deka nyema bisi penanggul nya deka diputar enggau lengkas.-EDISI UKAS
