Sultan & Tengku Permaisuri Selangor Likun Datai Di Kuching
Disiarkan pada 29 Jun 2024
Sumber Berita: UKAS
KUCHING: Duli Yang Maha Mulia Sultan Selangor Sultan Sharafuddin Idris Shah Alhaj enggau Duli Yang Maha Mulia Tengku Permaisuri Selangor Tengku Permaisuri Hajah Norashikin slikun datai di Padang Bilun Antarabansa Kuching (LTAK) kena Hari Lima.
Penatai seduai pukul 11.55 pagi disambut Speaker Kunsil Nengeri (DUN) Sarawak, Tan Sri Datuk Amar Mohamad Asfia Awang Nassar enggau bini Puan Sri Datin Amar Fatimah Iskandar.
Sama datai nyambut penatai seduai iya nya bini Sapit Premier Sarawak Datin Amar Enn Ong Siok Ean sereta bala dipebasa ke bukai.
Sultan Sharafuddin Idris Shah Alhaj enggauTengku Permaisuri Hajah Norashikin deka meda pengerami Muzik Kampung Ujan Sedunya (RWMF) kena Hari Lima enggau Hari Enam di Kampung Budaya Sarawak.
Berebak enggau nya, seduai Baginda mega deka nemuai ke Muzium enggau Galeri Tun Jugah Foundation kena pagi Hari Enam.
Seduai disadang mupuk pulai nepan bilun khas kena 30 June tu. -EDISI UKAS
