KUCHING: Opis Pemansang Ekonomi Sarawak (SEDC) nandu program tanggungpengawa rama korporat sida nengah pengawa nyuaka pemeri ngagai 84 iku nembiak ari Kompleks Kebajikan Datuk Amar Hajah Laila Taib Kuching.
Program ke diatur kena hari empat nya dirichah enggau penatai Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg enggau Bini Puan Sri Datuk Amar Juma'ani Tun Tuanku Bujang.
Program dipunka enggau pengawa besilih dokumen kerejasama antara SEDC & Tabung Baitumal Sarawak sebedau ditangkan nyuaka "zakat" dagang ari SEDC ngagai Tabung Baitumal Sarawak enggau penyampau RM600,000.
Nangkan nya, Premier Sarawak enggau bini dipebasa nyuaka pemeri duit raya enggau kereban sekula ngagai nembiak Kompleks Kebajikan Datuk Amar Hajah Laila Taib.
Sama bela datai, Sapit Premier Sarawak Datuk Amar Professor Dr. Sim Kui Hian, Menteri Dagang Temuai, Industri Kreatif enggau Seni Pemerindang Sarawak, Dato Sri Abdul Karim Rahman Hamzah, Sekretari Perintah Sarawak, Datuk Amar Mohamad Abu Bakar Marzuki, Sapit Menteri Pengerai Mensia Mayuh, Pengawa Berumah enggau Perintah Lokal Sarawak Datuk Dr Penguang Manggil, Sapit Menteri ba Opis Premier Sarawak (Integriti enggau Ombudsman) Datuk Dr Juanda Jaya, Sapit Menteri ba Opis Premier Sarawak (Pengereja Kasar, Imigresyen enggau Matau Projek) Datuk Gerawat Gala, Chairman SEDC Tan Sri Datuk Amar (Dr) Abdul Aziz Dato Husain, Sapit Sekretari Perintah Sarawak (Pengatur Ekonomi enggau Pemansang), Datu Dr. Muhammad Abdullah Zaidel, Menijer SEDC Datu Abdul Hadi Datuk Abdul Kadir enggau temuai dipebasa ke bukai.-EDISI UKAS
