Raja Permaisuri Agong Udah Datai Di Kuching
Disiarkan pada 28 Jun 2024
Sumber Berita: UKAS
KUCHING:Kebawah Duli Yang Maha Mulia Seri Paduka Baginda Raja Permaisuri Agong Raja Zarith Sofiah datai di terminal raban dipebasa Padang Bilun Antarabansa Kuching (LTAK), kena Hari lima.
Penadati Baginda urung pukul 11.20 pagi disambut bini Yang di-Pertua Nengeri Saraawak, Toh Puan Fauziah Mohd Sanusi.
Sama datai nyambut penatai Baginda iya nya bini Premier Sarawak, Puan Sri Datuk Amar Juma’ani Tun Tuanku Bujang,bini Sapit Premier Sarawak Datin Amar Enn Siok Ean, Menteri Pemansang Indu, Nembiak Mit enggau Pengelantang Komuniti Sarawak Dato Sri Fatimah Abdullah sereta bala dipebasa ke bukai.
Tuju pejalai nemuai gawa Raja Zarith ke Kuching bejadika Aum Besai Ninting Taun Ke-59 Serakup Pandu Puteri Malaysia ke deka diatur di Palan Konvensyen Borneo Kuching (BCCK), kena Hari Enam.
Muak ke malam sehari nya, Baginda deka ngulu Pengerami Makai Lemai Nengeri ke deka diatur di Dewan Santapan Kunsil Nengeri (DUN) Sarawak pukul 8 malam.
Baginda dipelaba mupuk pulai ke Padang Bilun Antarabansa Senai kena 30 Jun tu.-EDISI UKAS
