Premier Sarawak Neruska Pengawa ‘Ngabang’ Gawai Ngagai Dato Sri Alexander
Disiarkan pada 23 Jun 2024
Sumber Berita: UKAS
KUCHING: Tajapan pengerami Hari Gawai Dayak udah ngelebus, tang enda nagang semangat ‘Segulai Sejalai’ ba tuai Perintah Sarawak neruska pengawa ‘ngabang’ Gawai.
Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg, neruska pengawa ngabang Gawai ngagai rumah Menteri Kereja Raya, Dato Sri Alexander Nanta Linggi di Kuching, kena Hari Lima.
Penatai Datuk Patinggi Abang Zohari jam 12.40 tengah hari, diambat Dato Sri Alexander Nanta Linggu sebilik.
Sebedau berami, Dato Sri Alexander Nanta Linggi sebilik begambar kenang begulai enggau Premier Sarawak serta bini , Puan Sri Datuk Amar Juma’ani Tuanku Bujang sebedau betukar tepa enggau pangan diri.
Maya nya, Premier Sarawak diiring Sapit Premier Sarawak Datuk Amar Douglas Uggah Embas enggau Sapit Menteri ba Opis Premier Sarawak (Undang-undang, MA63 enggau Kaul Sarawak-Perintah Besai) Datuk Sharifah Hasidah Sayeed Aman Ghazali- EDISI UKAS
