Datuk Sabastian Ting Matau Pejalai Projek RTP Di Miri
Disiarkan pada 21 Jun 2024
Sumber Berita: UKAS
MIRI: Sapit Menteri Dagang Temuai, Industri Kreatif enggau Seni Pemerindang, Datuk Sebastian Ting Chiew Yew udah matau pejalai projek Program Transformasyen Menua Pesisir (RTP) ke Gelanggang Bola Keranjang Taman Merbau enggau Tadika Thai Poo , kena Hari Empat tu tadi.
Projek RTP gelanggang bola keranjang ke beungkus RM 150,000 nya mungkur pengawa nyeleti baru geledak, ngechat, nganti papan belakang ngena kacha tempered sereta nyeleti pagar ke rusak nya.
Dikena nambahka perengkaguna pemun Tadika Thai Poo, sepenyampau RM 100,000 diagih ungkup ngelekatka papan semin enggau kereja ngadu dinding pagar enggau nyeleti atap tuduh.
Berebak enggau nya, Kaban Kunsil Nengeri (ADUN) Piasau nya mega ngarapka semua kereja nyeleti nengah projek RTP nya ulih tembu lalu kereja bisi kualiti sereta nitih ke taga ditetap.-EDISI UKAS
