Toh Puan Fauziah Nerima Penemuai Basa Ari PPPM Pampang Sarawak
Disiarkan pada 21 Jun 2024
Sumber Berita: UKAS
KUCHING Bini Tuai Pemegai Menua Nengeri Sarawak, Toh Puan Fauziah Mohd Sanusi nerima penemuai basa ari Gerempung Pandu Puteri Malaysia (PPPM) Pampang Sarawak di Astana Nengeri Sarawak, Hari Lima tu.
Presiden PPPM Pampang Sarawak Dato’ Dayang Morliah Datuk Awang Daud madah, tuju pengawa penemuai tu ngagai Toh Puan Fauziah bekaul pengawa besikapka program ke deka datai, iya nya Kongres Pandu Puteri enggau Aum Besai Ninting Taun Ke-59 Gerempung Pandu Puteri Malaysia 2024 ke deka diatur 27 nyentuk 29 June ba Palan Konvensyen Borneo Kuching (BCCK).
“Sepemanjai timpuh bepilih ditu, sida deka ngulu kongres program iya nya bejadi enggau aum besai.
“Pengawa tu deka dipenyadika Raja Permaisuri Agong, Raja Zarith Sofiah, nyadi Penaung Diraja Pandu Puteri Malaysia,” ku iya.
Sepenyampau 300 iku kaban gerempung di selampur Malaysia dipelaba datai ba kongres tu ila nyengkaum Yang Dipertua-Yang Dipertua Pampang Baka Raja Puan Muda Perak, Yang Amat Mulia Tunku Soraya Almarhum Sultan Abdul Halim Mu’adzam Shah, Yang Amat Mulia Datin Seri Ramlah Azizah Almarhum Sultan Nasirudin Shah ari Terengganu enggau Yang Mulia Dato’ Tengku Shireen Suleiman ari Perlis.
Dato’ Seri Dr. Wan Azizah Dato’ Dr. Wan Ismail ke mega Yang Dipertua Gerempung Pandu Puteri Malaysia ngetuai ke Aum Besai Ninting Taun ke-59.
Bisi berapa iti program ke diatur nyengkaum Pengerami Santapaan Diraja, Pengerami Makai Lemai sereta nemuai ke CENTEXS enggau Muzium Budaya Borneo.-EDISI UKAS
