Sarawak Meri Sokong Tegut Juluk TVET 2030
Disiarkan pada 21 Jun 2024
Sumber Berita: UKAS
MIRI: Perintah Sarawak deka meri sukung tegut ngagai juluk pelajar sereta Latih Teknikal Enggau Vokasional (TVET) Menua 2030.
Menteri Pengangkut Sarawak, Dato Sri Lee Kim Shin madah, sukung nya disempulang enggau polisi ke dikembuan ba renggat nengeri.
“Tu seraris enggau tuju pelin Strategi Pemansang Udah COVID-19 2030 (PCDS 2030) ti deka meda 20 peratus nembiak TVET diambi nentuka sida ulih nyadi rebak ke ulih ngemansangka ekonomi Sarawak iya nya Projek Koridor Kuasa Ulih Dikena Baru Sarawak (SCORE).
“SCORE tu koridor kuasa ulih dikena baru nyengkaum Wilayah Tengah ke Wilayah Utara Sarawak dikena numbuhka ekonomi baru di Tanjung Manis, Mukah, Tunoh, Baram, Limbang enggau Lawas,” ku iya.
Iya bejaku munyi nya nengah teks jaku dibacha Kaban Kaunsil Mengeri Miri Cr.Jeffery Phang Siaw Foong ba Program Outreach Jelajah Madani Jom Masuk TVET Zon Sarawak 2024 di Miri, kena Hari Empat tu tadi.
Kaban Kunsil Nengeri (ADUN) Senadin nya mega madah, TVET kemaya hari tu dipeda nyadi ‘game changer’ ba sistem pelajar.
“TVET tu endang semampai diguna raban pengaji ari mayuh industri, ngarapka raban nembiak ulih nampung pelajar sida.
Sama bela datai, Tuai Director Pemansang Pelatih, Opis Menteri Pengeraja Pengawa (KASUMA),Ts Zuleah Darsong, Director Institusyen Latih Industri (ILP) Miri, Ts Mustal Makmud enggau Pegawai Pelajar Pelilih Miri Mariam Mone.-EDISI UKAS
