KUCHING: Universiti Teknologi Swinburne Kampus Sarawak ngerami 294 graduet ba pengerami konvokesyen ti diatur di Palan Konvensyen Borneo Kuching (BCCK), Hari Empat.

Premier Sarawak ke mega Pro Chanselor Datuk Patinggi Tan Sri (Dr) Abang Abdul Rahman Zohari Tun Datuk Abang Openg bejadika pengerami meri anugerah ngagai graduet ke diulu Chanselor Swinburne University of Technology, Profesor John Pollaers OAM.

Maya nya, 245 graduet ijazah sarjana muda nyerangkung macham bidang baka dagang (102 graduet), Sains Komputer (43 graduet), Injiniring (36 graduet), Design (32 graduet), Information Technology and Communication (6 graduet), Media enggau Komunikasyen (9 graduet) sereta Sains (15 graduet).

Kelimpah ari nya, dua iku graduet bela nerima dua iti ijazah ba Ijazah Sarjana Muda Injiniring (Kepujian) (Robotik enggau Mekatronik) enggau Ijazah Sarjana Muda Sains Komputer.

Maya nya mega, bisi 28 graduet nerima anugerah ijazah sarjana ari macham bidang.

Pengerami konvokesyen bela ngerami 12 graduet Doktor Falsafah (PhD) ba bidang Dagang, Injiniring, Kemanusiaan, Seni enggau Sains Sosial, Teknologi Penerang enggau Komunikasyen sereta Sains.

Pengerami nya bela mandangka kaul global Swinburne Sarawak enggau penatai graduet ari selampur Malaysia sereta menua bukai baka Bangladesh, China, Mesir, Gabon, India, Indonesia, Kazakhstan, Kenya, Myanmar, Pakistan, Arab Saudi, Sri Lanka, Sudan, Turkmenistan, Zambia enggau Zimbabwe.-EDISI UKAS

Pemberita: Ahmad Daniel Faiz
Gambar: Muhammad Rais Sanusi