KUCHING: Yang di-Pertua Negeri Sarawak Tun Pehin Sri Dr Wan Junaidi Tuanku Jaafar deka bejadi Pengerami Konvokesyen Universiti Teknologi Sarawak (UTS) Ke-10 ti diatur ba Dewan Canselor Tun Abdul Taib Mahmud kena 8 November tu.

Tun Pehin Sri Dr Wan Junaidi deka nyua skrol ngagai 155 graduet nyengkaum 44 graduet Master enggau 111 graduet Degree ungkup sesyen keterubah konvokesyen nya.

Bisi 405 graduet deka dirami ba pengerami konvokesyen sekali tu.

Iya mega deka nibar jaku serimbai Pengerami Konvokesyen UTS Ke-10 nya.

Dulu ari nya, deligit UTS betuai ke Mandal Canselor Datuk Prof Dr Khairuddin Abdul Hamid udah ngatur penemuai basa ngagai Tun Pehin Sri Dr Wan Junaidi ti mega Canselor UTS di Astana Negeri Sarawak, kena Hari Empat.

Sama datai, Sapit Mandal Canselor UTS Prof Ir Ts Dr Mohd Shahril Osman sereta bala bukai. -EDISI UKAS