KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi nerima penemuai basa ari Gerempung Ulama Sarawak (ITTIHAD) di Astana Negeri Sarawak, Hari Dua.

Deligit nya ti betuai ke Yang di-Pertua ITTIHAD, Datu Ustaz Mohamed Ali Mohamed Sheriff disempulang Sapit Yang di-Pertua, Ustaz Dr.Syed Abdul Aziz Datuk Wan Hamid Edrus enggau Sekretari, Ustaz Muhammad Adib Saini.

Ba penemuai nya, raban ITTIHAD bisi nerang asal penatai gerempung nya sereta bejuraika macham inisiatif pelajar enggau pengawa ngintu pengelantang ti dipejalaika ungkup pemaik raban Islam di Sarawak.

Sida bela madahka pengeransing deka majak negap tanggungpengawa institusyen nya ba ngiring raban islam nuju pengelantang sereta penyerakup.

Bela datai, Kaban Komiti Kereja ITTIHAD iya nya, Datu Ustaz Khalidi Ibrahim, Ustaz Mohammad Ihsan Haidzir, Ustazah Dr. Sharifah Nooraida Wan Hasan enggau Kaban Berejister ITTIHAD, Ustaz Ahmad Sukarno Saini.-EDISI UKAS