KUCHING: Pemujur 40 Taun Gerempung Penero Sarawak nyadi siti pemujur besai gerempung nya ngansah penau seni lokal kandang menua tu.

Datuk Bandar Dewan Bandaraya Kuching Utara (DBKU), Dato Hilmy Othman madah, inisiatif gerempung nya negap apresiasyen budaya ba Sarawak ngambi dibantai ari sukut seni.

“Seni ukai semina ngena pengawa ke dulu tang siti pengerinh ti ngidupka baru tradisyen ngambi terus relevan ba dunya moden," ku iya.

Iya madah munyi nya lebuh bejadi Pemandang Seni Ninting Taun Ke-40 Gerempung Penero Sarawak ditu kena Hari Lima.

Nitih penerang, pemansang nya udah mujur ngempuru 44 penero lokal, peranak asal enggau antarabansa besulu ke jaku ‘Heritage Reloaded’.

Nambah ke nya, Dato Helmy madah ke pengawa ngaku Kuching nyadi World Craft Council City of Crafts ba taun 2018 bukti komitmen mengeri besai ba pengawa ngintu pesaka asal enggau inovasyen kreatif.

Iya nyemetak madah ke komitmen DBKU ngambi terus nyukung pengawa ngatur program seni enggau budaya nyengkaum Borneo International Islamic Arts and Digital Technology Expo 2026 dikena negap industri kreatif lokal.

Sama datai, Sapit Direktor DBKU Ruzaimeir Malek. -EDISI UKAS