DEBAK: Pesta Debak 2025 deka diatur baru bulan Disember tu enggau macham program nyengkaum mandang main asal, lumba, ekonomi enggau pemerindang rayat.

Pengerami nya disadang deka matak penatai mensia mayuh ari dalam enggau luar Saribas.

Aum keterubah pengawa ngatur pengerami nya betuaika Sapit Menteri Pemansang Pengelantang Komuniti Sarawak ke mega Kaban Kunsil Nengeri (ADUN) Saribas, Datuk Mohammad Razi Sitam ditu, Hari Lima.

Nitih ku iya, pengerami nya ukai semina nyadi nalan ngerapitka penyerakup pupu raban bansa tang mega dikena negap pengulih dagang temuai sereta nyungkak ekonomi menua.

Iya bela ngelalau semua raban ti bekaul ngambi bela besaup nentuka pemujur pengawa ngatur Pesta Debak 2025 ti nyadi siti ari program ninting taun ke dianti peranak Saribas enggau menua bukai ke semak.-EDISI UKAS