KUCHING: Karnival Inovatif Pelajar 2025 enggau Program Jantil Pintar Korporat Kumpulan SRSW2 NPQEL 2025 ti diatur ba Sekula Primari (SK) Pajar Sejingkat kena Hari Enam nyadi nalan besai meri pemaik penemu sereta ngerapit kaul entara sekula, apai indai enggau komuniti.

Kepala Pengajar SK Pajar Sejingkat, Mohd Helmi Isa madah, pengawa milih sekula nya nyadi bakih strategik Kumpulan SRSW2 NPQEL nya siti chara meransang semangat baru ngagai raban sekula.

“Besulu ke jaku Penyungkak Komuniti MADANI, program tu nyaup negap budaya inovasyen enggau kreativiti bala pengajar sereta nembiak.

“Aku meri besai terima kasih ngagai Kumpulan SRSW2 NPQEL laban udah meri kerejasama ti chukup manah,” ku iya lebuh nutup program nya.

Bemacham aktiviti narit ati udah diatur sepanjai karnival nyengkaum Pemandang STEM, Licha Belajar Digital, Sukut“Kami Benci Buli” sereta Pemandang Pelajar Khas.

Bela datai iya nya Yang Dipertua (YDP) Gerempung Apai Indai enggau Pengajar (PIBG) SK Pajar Sejingkat, Rudysufian Mahli, Pengelicha Institut Aminuddin Baki Cawangan Sarawak Minhad Mohtah enggau Chairman Program NPQEL 2025 Rizuan Mohd.-EDISI UKAS