KUCHING: Borneo Games Kuching (BGK) 2025 majak richah nengah penatai Gubernur Kalimantan Timur, Bapak Dr. H. Rudi Mas’ud ti likun datai ba Padang Bilun Antarabansa Kuching pukul 6.50 lemai Hari Empat dikena ngepun penemuai khas pengelama tiga hari ke Sarawak.

Penatai iya diambat pengari Perintah Sarawak begulai enggau pegawai kanan sebedau nuju hotel ba mengeri tu.

Penemuai khas tu diatur serimbai BGK 2025 ti benung diatur di Kuching, belabuh ari 24 ngagai 28 September tu.

Tambah mega, iya deka ngambi bagi ba lumba golf ungkup kategori VIP ti mega digulu Menteri Nembiak, Lumba enggau Pemansang Orang Dagang Sarawak, Dato Sri Abdul Karim Rahman Hamzah di Kelab Golf Sarawak, pagila.

Iya deka mupuk pulai kena Hari Minggu tu. - EDISI UKAS