KUCHING: Pengerami bejalai bebala mayuh Seng Ong Kong ulih nyadi pelasar nyungkak menua, bansa enggau pengelantang rayat Sarawak.
Sapit Premier Sarawak, Datuk Amar Profesor Dr Sim Kui Hian madah, pengerami tu nyadi program ke pemadu besai diatur naka ke diatu.
Ku iya, pengerami tu udah matak mayuh penyereta kelimpah kontinjen ari luar Sarawak.
Iya bejaku munyi nya ba Pengerami Makai Malam Gerempung Hokkien beserimbai enggau Pengerami Seng Ong Kong di Kuching, Hari Dua.
Ba program ke sebaka, Datuk Amar Dr Sim mega nyuaka setipikit ngagai pengari gerempung enggau kompeni ke udah nyukung pengerami bejalai bebala mayuh Dewa Seng Ong Kong.
Bisi 800 orang ngulu pengerami bejalai bebala mayuh Dewa Seng Ong Kong di Kuil Hong San Si maya nya.
Bela datai, Direktor Unit Pekara Pengarap Bukai (UNIFOR), Datu Jack Aman Luat, Direktor Unit Komunikasi Awam Sarawak (UKAS) Samuel Simon sereta temuai dipebasa ke bukai. -EDISI UKAS
