KUCHING: Kontinjen Sarawak andal ulih menggi gelar champion besai Borneo Games Kuching (BGK) 2025.
 
Sapit Menteri Nembiak, Lumba enggau Pemansang Orang Dagang Sarawak ti mega Tuai Kontinjen Sarawak, Datuk Dr Ripin Lamat madah, pengandal nya digembar enggau jaku ngambi kontinjen enda empelita meda penau tim luar.
 
“Kitai endang bisi juluk nyadi champion besai, semina penyampau midul empai ditetap. Aku andal ke kitai ulih nyapai juluk tu, tang kontinjen enda tau empelita meda penau tim bukai baka Sabah, Kalimantan Timur, Labuan enggau Brunei,” ku iya.
 
Iya mantang ke jaku nya lebuh dirandau pemberita pengudah Pengawa Nyua Tambai Kontinjen Sarawak di Perkampungan Sukan Sarawak (SSV) ditu, pagi Hari Satu.
 
Seraya Pemangku Direktor Kaunsil Lumba Nengeri Sarawak (MSNS), Khairul Nizam Morshidi madah ke semua pekit deka diatur pengudah tim ari nengeri enggau kandang menua ngambi bagi chukup.
 
“Pengudah kitai nerima rejista kepenudi ba pengawa rejista delegit kena Hari Enam tu tadi, Kalimantan Timur bisi nganjung tim lalu tu ngenuku semua pekit diatur,” ku iya.
 
BGK 2025 ditaga belabuh 24 September tu lalu deka dipenyadi Menteri Nembiak, Lumba enggau Pemansang Orang Dagang Sarawak, Dato Sri Abdul Karim Rahman Hamzah.
 
BGK 2025 diatur ukai semina nyadi kelang bepadan aja, tang lambang semangat penyerakup enggau bemain rayat Borneo.- EDISI UKAS