LUNDU: Kaban Kunsil Nengeri (ADUN) Opar Billy Sujang ngatur pejalai ngabas dua taba projek pemansang di baruh Agensi Ngatur Pemansang Greater Kuching (GKCDA) ba sitak Opar kena Hari Tiga.
 
Pejalai nya diatur ba Kampung Bitokan 2 enggau Kampung Opar bela disempulang bala pengari Opis Kereja Raya (JKR) enggau Opis Bekal Ai Menua Pesisir (JBALB) kelimpah ngaul kerejasama rat JKKK enggau FGV Holdings Berhad.
 
Entara projek diabas iya nya ngaga baru Balai Mayuhguna Kampung Bitokan 2 ti disadang nyadi palan ditapat komuniti ngatur bemacham aktiviti sosial, main asal enggau komuniti.
 
Raban nya mega ngabas projek nyeleti sistem paip ai bukit di Kampung Opar ti digaga JBALB begulai enggau peranak dia.
 
Tuju projek nya nentuka peranak bulih bekal ai beresi ti meruan agi, lalu ngangkatka tikas idup komuniti menua pesisir. -EDISI UKAS