BINTULU: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah ngetuaika Aum Kaban Kaunsil Pemansang Bintulu (BDA) Ke-87 di Wisma Bintulu, Jalan Tanjung Kidurong kena Hari Tiga.
 
Aum nya mega digulu  Sapit Chairman BDA, Dato Haidar Khan Asghar Khan, Sekretari Perintah Nengeri, Datuk Amar Mohamad Abu Bakar Marzuki, Sekretari Pekara Wang Nengeri, Dato Sri Dr. Wan Lizozman Wan Omar sereta Residen Bagi Menua Bintulu, Datu Nyurak Keti.
 
Sama datai Menijar Besai BDA, Datu Muhamad Yakup Kari, begulai enggau bala direktor opis nengeri enggau pegawai kanan BDA.
 
Lebuh datai, Datuk Patinggi Abang Zohari disambut bala staf BDA sebedau begambar kenang enggau bala kaban kaunsil enggau nyain bup pengusung.
 
Nitih ke penerang, aum nya semina digulu bala kaban kaunsil aja.
 
Aum nya diatur sehari pengudah Datuk Patinggi Abang Zohari ngulu Pengerami Ngintu Hari Malaysia Renggat Sarawak 2025 ba taba Padang Bilun Lama Bintulu.-EDISI UKAS