SRI AMAN: Kaunsil Lumba Nengeri Sarawak (MSNS) ngempu semua midul emas ba Pekit Tinju Besai Sarawak Edisyen Ke-4 ungkup kelas umur Lumba Malaysia (SUKMA).
 
Ba kategori flyweight (51kg) Mohamad Irfan Tom Frankie bisi pedis mimit ngalahka Sufi Irfan Mohd Idris ari Singapore Boxing Federation ngujungka seduai belaban ba idar ketiga sebedau pemutus referee nguing ngagai Mohamad Irfan Tom.
 
Seraya Sahil Masino ari KTS Sarawak bulih engkeraju.
 
Ba kategori lightweight (60kg), Khairil Hazami Sulam mujur ngalahka Norhirman Tahir Kelab Orthodox Boxing Sarawak ngujungka iya bulih emas kedua ungkup MSNS, seraya Wayne Kho Hqe Kai ari Knight Boxing Team Sarawak bulih midul engkeraju.
 
Nguing ngagai kategori light welterweight (63.5kg), Lam Wee Liang nambah pengaga MSNS enggau emas ketiga pengudah ngelaban petinju Singapore Boxing Federation, Sean Rafael Sanny seraya Alex Zender Xavier Anrew ari Kompleks Lumba Kanowit Sarawak ngempu engkeraju.
 
Penyulut nya mandangka petinju MSNS meri pengandal besai ngagai kem tinju Sarawak sebedau nurun  ke kelang SUKMA di Selangor ba taun baru. -EDISI UKAS