BINTULU: Perintah Sarawak sedia mantu raban orang bumai ari nyendiaka mesin betanam betupi dikena meransang sektor betanam betupi setipak enggau teknologi moden.
 
Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah ke mesin betanam betupi nya diberi ngagai Serakup Orang Bumai Nengeri Sarawak ngambi bisi dikena raban orang bumai di Sarawak.
 
“Serakup Orang Bumai deka ngatur mesin tu lalu tau dikena orang bumai ari rega suwa ti patut dikena mantu raban nya.
 
“Enti orang bumai kitai ulih ngena mesin, sida badu ngena changkul agi,” ku iya.
 
Iya bejaku munyi nya lebuh bejaku bejadika Sarawak Agrofest Festival ba Padang Bilun Lama Bintulu kena Hari Enam.
 
Sama datai, Sapit Premier Sarawak Datuk Amar Professor Dr Sim Kui Hian, Speaker Kunsil Nengeri Sarawak Tan Sri Datuk Amar Mohamad Asfia Awang Nasar, Menteri Dagang Temuai, Seni enggau Budaya Malaysia Dato Sri Tiong King Sing, Menteri Industri Pemakai, Komoditi enggau Pemansang Kandang Menua Sarawak ti mega Menteri Ngempu Tanggungpengawa Pengerami Bejadi Sarawak Agrofest 2025 Dato Sri Dr Stephen Rundi Utom sereta bala temuai dipebasa bukai.-EDISI UKAS