KUCHING: Panggau teater Kasih Padi Bonda dikemudi Rushdi Mornie Daud mujur negu ati bala ti datai meda lebuh kisah Dara, indai ti chukup liat ati nupi bala anak iya datai ke mujur pengudah niang laki midang.
Keranjai jari Nooruddin Ismail Talab nyadi dikelulu ba Balai Budaya, Dewan Bahasa enggau Pustaka (DBP) Pampang Sarawak enggau penuh emosyen, mandangka pengasih, pengeliat ati, jasa enggau jalai pengidup ti nyengala nyadi ba komuniti.
Sapit Menteri ba Opis Premier Sarawak (Pekara Korporat, Pemadah enggau UKAS), Datuk Abdullah Saidol meri terima kasih ngagai raban produksi enggau DBP ti ngatur kelulu nya ti ukai semina mantaika bala mai kelulu ti mayuh peneleba, tang mega ngaul bala nembiak sekula primari enggau sekondari.
“Pemerindang tu ukai semina narit ati ari kelulu ba panggau aja, tang mega ketegal mayuh nembiak diparit.
“Aku temegah meda bala veteran enggau bala nembiak sekula primari enggau sekonda sama bekelulu atas panggau. Tagi puji ngagai produksi tu laban mujur mai pesan pasal pengasih indai ti chukup negu ati kitai,” ku iya lebuh datai meda kelulu nya ba Balai Budaya DBP Pampang Sarawak ditu, malam Hari Lima.
“Panggau kelulu tu ukai semina narit ati tang mega ketegal ngaul mayuh raban nembiak.
“Aku temegah ati meda bala veteran enggau nembiak sekula primari enggau sekondari sama bekunsi panggau bekelulu. Tabi puji ngagai produksi tu laban mujur mai pesan pasal pengasih indai ti balat negu ati kitai,” ku iya lebuh datai meda panggau kelulu nya ba Balai Budaya DBP Pampang Sarawak ditu malam Hari Lima.
Iya mega ngaku pemar besai raban nya ngiga endur ngadu latih ti engkeman.
“Semina sida tu napi pemar ngiga endur belatih enggau ngatur pengawa bukai ti engkeman.
"Insya-Allah, kandang dua taun lebih ari diatu, palan seni ti benung digaga ba begunan DUN lama deka tembu. Aku pechaya aktiviti seni baka teater, muzikal enggau mayuh ke bukai deka maju agi,” ku iya.
Datuk Abdullah mega ngarapka panggau teater ulih dikerembai ke menua pesisir ngambi komuniti ba pelilih bukai mega bisi peluang beperindang enggau seni panggau bisi kualiti enggau ngaul pengidup rayat.
Ku iya, seni teater ukai semina pemerindang aja, tang nyeridi komuniti nengah kisah ti dikelulu ti mangki pengidup rayat.
Teater Kasih Padi Bonda sekali agi mandangka seni panggau ukai semina pemerindang aja, tang nyadi nalan nemban mai pesan pengasih mensia enggau negapka nilai budaya bansa.
Sama datai, Direktor DBP Pampang Sarawak, Dr. Azizul Haji Ismail; Direktor Opis Pengerejista Bansa Nengeri Sarawak, Mahathir Buang; Direktor Unit Pengelikun enggau Penerit Adat Sarawak, Abdul Wahab Rahim; Direktor Palan Pematih Pengajar Kampus Batu Lintang, Dr. Abang Ismail Haji Julhi sereta Chairperson Gerempung Insan Dramatis Bintang Cahaya Kuching, Noor Kartika Rushdi.-EDISI UKAS
